HKTVMall 指有 120 萬個電話號碼登記口罩訂購 並回應口罩膠味大問題

行內熱話 18:32 2020/04/13

分享:

新冠肺炎疫情持續,口罩仍是最常用的防疫用品之一。HKTVMall 口罩今日已開始訂購,但有部分早前已收貨的買家指口罩膠味十分「臭」,HKTVMall 在 FB 上作出回應。

【一文看清】12 大連鎖商戶+小店最新口罩供貨免費派詳情 供貨情況即日【不斷更新】 <<<唔想錯過口罩開賣請 Bookmark

HKTVMall 指已有 120 萬個電話號碼登記口罩訂購 (訂購方式可按此瀏覽),並解釋為何該公司口罩會發出膠味,以及口罩厚薄跟防護質無關等問題。之前網民對 HKTVMall 口罩作開箱測試的報道,可按此瀏覽

HKTVMall 口罩今日已開始訂購,有120萬個電話參與

【相關內容】Family Mask 突賣升級版S99口罩 網售價 $108 一盒

以下是 HKTVMall 的原文回應:

問題一 : 口罩有陣膠味喎,點解呀? 

大家都可能知道,一個口罩有三層,最外面嗰層係防水不織布,最裡面嗰層係貼住層面嘅吸水不織布,中間嗰層係最重要嘅過濾層,即係熔噴不織布 (Meltblown Nonwoven)。呢三層物料都含塑膠成份,本身係無咩味道嘅 ;但口罩機係以超聲波震動 產生熱力,將三層物料黏合或者加上 Logo,就有可能令口罩出現塑膠味。

小編見有網友善意提醒 ,話有口罩生產線嘅做法係將生產完嘅口罩,放出嚟兩星期甚至一個月先包裝,就可以減少味道。但係⋯R 小隊同大家一樣心急,喺安全情況下,將一出世嘅口罩盡快送到客戶手上,希望大家都盡快有得用,再等兩個星期甚至一個月,實在有啲奢侈啊  如果大家有時間嘅話,口罩到手之後,開出嚟放喺通風環境,味道應該會自然散去。

至於口罩嘅厚薄,同佢嘅安全性無必然嘅關係。最重要嘅係外層有防水 功能,防止飛沫滲透,中層有過濾功能 ,形成阻擋病菌屏障;內層要吸水,吸收佩戴者釋出濕氣同令面部更舒適

問題二 : 口罩嘅認證過程係點嘅呢 ?

由購買口罩機、裝設無塵車間、採購物料、裝機到試產,起碼要兩個月時間;然後由測試到有結果出報告,需時兩至三星期。

所以,R 小隊跟隨專業意見嘅做法,當物料抵港後,請其他公司幫手做口罩樣辦,然後攞去做第一次測試,主要係着重於物料方面既測試,除左包括PFE、BFE 同 VFE,重有物料既壓力差(即透氣度)同埋阻燃程度(萬一唔合格可以即刻再訂過新嘅物料嘛);之後無塵車間完成後等埋口罩機到港,就會用同一樣嘅物料生產口罩,再將製成品交去做第二次測試,重點測試液體阻力究竟可唔可以符合 ASTM Level 2 標準。

往後,如果第二批物料送到,亦會做全面嘅測試,確保安全。所以送到大家手上嘅口罩,係同測試嘅口罩係一樣嘅。

另外,截至今日下午4 點,已經有超過1百20萬個電話號碼登記 HKTVmall 口罩抽籤。R小隊會努力,加速生產口罩,希望增加供應

【相關內容】驚安殿堂有日本口罩現貨賣! 小林 3E 口罩售 $35 盒

HKTVMall 口罩今日已開始訂購

【相關內容】 港人口罩廠 AQUA MASK 首批口罩預售價 $88盒/50個 

盡覽香港企業銷售和推廣情報:
 SME@HKET Facebook專頁【將 SME@HKET 專頁設定為 "搶先看/See First,搶睇商機】

免費下載 hket App,關注「全球疫情實時動態」:http://bit.ly/33C83cZ 

立即訂閱專享無間斷美股分析:http://bit.ly/2ZN5x1l

撰文 : 張文啟

緊貼財經時事新聞分析,讚好hket Facebook 專版