K Kwong 表示投資口罩廠朋友「伏已中」? 香港口罩廠產量和質素令人擔心?

行內熱話 16:47 2020/03/12

分享:

 一個新冠肺炎疫情,令全球「一罩難求」,香港也不例外,而這甚至驅使不少港商「自己口罩自己生產」,試圖緩解市面上口罩短缺的情況。之不過,化學博士 K Kwong(鄺士山)卻出 FB post 提到投資口罩廠朋友「9 成食 X 中」,更指「大部份都奶緊嘢,只有幾個做到少少貨」,以及詳列投資口罩廠朋友的 4 個中招位。

一文看清:12 大連鎖商戶+小店最新口罩供貨免費派詳情【不斷更新】  <<<唔想錯過口罩開賣請Bookmark

K Kwong 提到這些投資口罩廠朋友,包括自發集資手足、食品、藥廠佬、想取得政府獎金的生意人、古惑商人等,不過當中卻有 9 成人士中伏,慘到無朋友,而他們的中招位就有以下 4 個。

 【相關內容】卓悅網店突發開售 BitoPM2.5 成人三層口罩 $79 盒30 個

1)有朋友大廠入咗啲「百鳥歸巢」+「淘寶」機,一起機就唔同步入料,好似你個 printer 冇咗一隻色咁,即係仲有排攪。

2)有手足俾人老點入咗啲錯嘅「靚料」:50gsm 中層 MBPP,人哋大部份係 25gsm。

【相關內容】口罩一律只售 $12 ! 有多款選擇 AEON Living Plaza 12 蚊店快閃開賣口罩

3)有更多朋友被騙:假 Cert、假貨 A(非 MBPP,只係 SBPP)、假貨 B(MBPP 無加靜電,吸唔到好多微粒)、假貨 C(嗰卷原料只有面部份係 MBPP,個卷芯中間係紙)、假貨 D(全卷原料一大部分唔達標,出嚟啲貨有得有唔得,自己都唔知邊批用得)。

4)中間人失蹤:買 MBPP 貨到咗,有一部分係 SBPP,收完貨,錢都畀晒,人又失蹤。

講真「自己口罩自己生產」絕非易事,因此 K Kwong 其後都有回應網民留言提及「我都無法子呀,有得救嗰啲已經叫咗工程師去搞」,以及「冇可能救到嗰啲只可棄物再戰」。其實此 post 一出後,有網友坦言「最驚把心一還,好壞照賣」,如為這樣的話,真如 K Kwong 回覆所提「咁就大檸樂」了。

【附購買詳情】BFE99% 三層獨立包裝口罩 藥房良心價平售 $60盒/50個

更新 : K Kwong 後來再在 13 日於 FB 發帖表示:「今日為止已有 3 間壯士斷臂,其他隊友,加油。今日斷臂嘅係台灣合作隊伍」。相信會有更多口罩廠早退出了。

 網購需留意風險,尤其是要先付款。買家需要向店方查詢清楚,了解口罩發貨、口罩質素和真偽,並要衡量購買風險。建議面交才付款,並即場檢查口罩。

 最齊口罩現貨購買和選購優惠報道,按此瀏覽

盡覽香港小店銷售和推廣情報:
→ SME@HKET Facebook專頁【將 SME@HKET 專頁設定為 "搶先看/See First,搶睇商機】

撰文 : | 蘇家華

緊貼財經時事新聞分析,讚好hket Facebook 專版